村屋—另類的住屋祝福

房屋問題，不少人認為說到底就只是關乎「上樓」與否，即是能否買樓的問題。主流想法認為有錢就買，沒有錢就租，事情就是這樣簡單，亦過度美麗。
 
實情是，有人為了買樓借錢用作首期，同時亦有人雖然有大筆儲蓄，卻選擇租樓。更妙的是，他們買和租的，均是被人形容為交通不便，夜晚危險，沒有升降機，又有蚊叮蟲咬的村屋。
 
離開大地產商霸權的操弄，進入村屋的世界，看看他們那盤數，或者眾人皆醉，他們獨醒。
 

 一. 童生童太  買樓令我們成熟起來

位置：大埔汀角
樓價：近200萬，首期約60萬，供16年
尺數：超過700呎
購入時間：2011年中
 
買樓，對童生童太來說，是個意外。童太說：「我由細到大都覺得結婚要擁有屋的，但係佢（童生）同我拍拖的時候就已經話佢之前做過負資產，個個月一大半份糧畀左銀行做息，無供過肉（樓宇）的生活，好驚買樓，所以我地一直都係租屋住。」惜好景不常，之前在大埔以超平租的單位，業主兩年前一句收回自住，他們要三個月之內搬走。
 
「我地頭兩個禮拜都係諗租的，但係好快就知返唔到轉頭。」同區的樓大部份同呎數的單位，租金均要過萬元，轉到其他區也平不了多少。於是二人很快便決定找村屋。「我地打開中原網上地圖，睇下村屋有邊啲區我地接受到，之後去實地視察環境，大尾篤、坑下、小瀝源都睇過，決定地點先去地產搵盤。」
 
他們當時列了一些要求：600呎以上、鄰近大馬路、有足夠的安全；狗不能在村中亂走，街上要有街燈。「最後睇睇下，發現買都可以，只要200萬以下，有60萬做首期，每個月唔係供好多錢，都係8000蚊。」揀了幾個樓盤，有看中的，就真的要思考首期問題了。
 

 
童太說：「當時計過，以前一年去兩次大旅行，咪改為一次囉，平時個個月會有機會食幾百蚊一次的大餐，依家改為一季食囉，總之我生活質素唔可以有由有到冇的改變，唔可以做樓奴。」她說，從此需要和慾望真的可以在實際應用在生活中分開。「依家就真係會事事都諗：係咪真係有必要買先，我要供樓！買樓令我個人成熟。就算遲下不用還錢給家人，多了出來的錢都一定唔會洗，儲錢動力大左。」
 
經歷過負資產的童生說：「今次買樓我會諗，以前我大半份糧畀銀行地產商都試過，依家我地double payment還錢都係辛苦兩年，上年我哋都加左人工，唔係好辛苦。再加上村屋本身價錢平，住的環境大，舒服，個人輕鬆，落樓下就可以跑步，生活寫意。」
 

二. 徐生徐太 計過租樓最化算

位置：元朗錦田
租價：7800元
尺數：超過700呎
 
徐生、徐太都是專業人士，徐生更是外資基金的股票分析員。婚前徐太租了一個單位自住，婚後暫時成為二人的安樂窩。不過新婚未夠一年，就要考慮搬遷的問題。
 
初時，想住村屋的，反而是徐太。徐生說： 「她住村屋大的，反而我由小到大都是住flat（大廈）的，太太就話一係試下租先啦，租兩年，當係試下，真係好唔適應，咪住返樓囉。」
 
與其說租是試住，不如說那是徐生的「計算結果」。論錢，二人雖然才三十出頭，但已經儲蓄過百萬，足可支付首期。但徐生精打細算，用其投資分析的專業，為家庭作了三個計劃，計算在租樓、買樓後的幾個不同的可怕情景，他們經過十年後的資產總值，作為風險評估（公式見表一）。結果發現，五年後租樓他們的資產總值原來最高。他說： 「好多人以為租樓的錢畀左業主，買樓就係供樓錢畀自己，但係其實如果你按揭成數好高的話，你供樓好多時都係供利息，實際供肉的錢唔多的，所以供樓的錢同租的直接比較，係錯誤的類比。」
 
計算是一回事，選定了村屋之後，對住的適應又是另一回事，徐太沒有車牌，徐生只有電單車牌，返工放工都要用公共交通工具，二人家住錦田，靠的只是村巴。徐生說：「第一天六點幾起身，好驚遲到，最後晨早就返到公司，後來知道點樣坐村巴，依家可以七點十起身，八點二出門口，約八點十返到公司。」
 
這段適應期要多久？「兩個禮拜啦！」
 
自此，他們每周一起到元朗的超巿購物，一周在家吃飯兩天，閒來沒事一個在家吹色士風，一個彈琴，又或者兩人一起玩跳舞遊戲，二人各自有書房，各自工作，或者宅在家中。徐生說：「夏天呢，有時會帶兩張尼龍床上天台，一同看星星聊天。」
 
沒有供樓的壓力，徐生直言租村屋令二人整體生活質素提升了很多。他說：「買樓保值其實真係一個myth（迷思），買樓十年二十年，又有裝修，又有利息，都係畀錢，你去炒孖展，都係借50%錢來買嘢，但係你依家借90%，畀10%錢去100%擁有一個物業，個風險其實係好高。另外，我地都計過如果以現時儲蓄及投資的速度租兩至三年就可以以現金買一個三至四百萬的村屋單位。一件辛苦幾年的事，為何要用十幾二十年以更大的成本去完成呢？」
 

表一 徐生選擇買樓或租樓的「公式」：

 
 兩個家庭解構對村屋的迷思